🔰2025 жылғы 8–10 қазан күндері Баянауыл мемлекеттік ұлттық табиғи паркінде парктың 40 жылдық мерейтойына арналған «Табиғатты және биоалуантүрлілікті сақтаудың кешенді жолдары» атты ғылыми–практикалық конференция өтті.
🔰Бұл жиынға еліміздің әр өңіріндегі экология, ғылыми-зерттеу және табиғатты қорғау саласының мамандары қатысты.
🔰Конференцияға «Шарын» мемлекеттік ұлттық табиғи паркінің директорының орынбасары Ж. Сартбаев және ғылым бөлімінің кіші ғылыми қызметкері, биолог-аңшылықтанушы Д. Акимжанов қатысып,
«Еліміздің оңтүстігінде мекен ететін орман қарақасының (Dryomys nitedula) экологиясы және таралу аймағы» тақырыбында ғылыми баяндама жасады.
🔰Әріптестерімізді Баянауыл мемлекеттік ұлттық табиғи паркінің 40 жылдық мерейтойымен шын жүректен құттықтаймыз!
Табиғатты қорғау жолындағы еңбектеріңіз табысты болып, парктің экологиялық, ғылыми және туристік әлеуеті арта берсін!
