Бұл күн ЮНЕСКО-ның «Адам және биосфера» бағдарламасы аясында экожүйелерді сақтау мен табиғатты тұрақты пайдаланудың маңыздылығын насихаттау мақсатында аталып өтеді.
Шарын мемлекеттік ұлттық табиғи паркі 2018 жылы 25-ші шілдеде “Адам және биосфера” Халықаралық Координациялық Кеңесінің 30-шы сессиясының шешімімен ЮНЕСКО-ның биосфералық резерваттар желісіне енді. 🌏
Бұл мәртебе — аймақтың биологиялық әртүрлілігін, бірегей табиғи ландшафтарын халықаралық деңгейде мойындау.
ЮНЕСКО-ның биосфералық резерваттары – бұл құрлықтық және жағалаудағы, теңіз экожүйелерінің аумақтары немесе ЮНЕСКО-ның «Адам және биосфера» (МАВ) бағдарламасы бойынша халықаралық деңгейде танылған экожүйелердің жиынтығы.