🎖️Шарын мемлекеттік ұлттық табиғи паркі үшін жаңа жыл жақсы жаңалықтар легімен қатар келді. Өмірлерінің 30 жылдан астам уақытын табиғат қорғау саласына арнап, бүгінгі күнде зейнет жасына жетіп, бейнеттерінің зейнетін көріп отырған ардагерлеріміз – Заманов Шаяхмет Наманович, Тастанов Макен Альдибекович, Бакиев Зерипжан Раюповичтер Қазақстан Республикасы Экология және табиғи ресурстар министрлігінің «Еңбек ардагері» медальімен марапатталды.
Заманов Шаяхмет Наманович – 2013 жылға дейін Шарын мемлекеттік ұлттық табиғи паркінің табиғи кешендерді қорғау жөніндегі директордың орынбасары лауазымы қызметін атқарды. Үлкен тәжірбие мен тамаша ұйымдастырушылық, көшбасшылық қасиеттерге ие болды. Мамандар арасында ерекше сый-құрмет пен беделге ие азамат.
Тастанов Макен Альдибекович – орманды күзету мен қорғау, молықтыру жолында еселі еңбек етіп, алға қойған міндеттерді білікті әрі кәсіби тұрғыда шеше білетін азамат ретінде ұжымдастары арасында ерекше құрметке лайық азамат.
Бакиев Зерипжан Раюпович – ұлттық парк құрылған күннен бастап, зейнеткерлік жасқа жеткенге дейінгі уақыт аралығында барлық күш-жігері мен жастығын орман шаруашылығы саласына арнаған азамат. Әкесінің еңбекқорлығы мен жұмысқа деген адалдығын көріп өскен ұлы да бүгінгі күнде әке жолын қуып, осы салада қызмет атқаруда.
🌱Ұлттық паркіміздің өсіп-өркендеуіне, дамуына қосқан үлестеріңіз бен адал еңбектеріңіз бағаланып, қуаныштарыңыз еселене берсін!
Шарын мемлекеттік ұлттық табиғи паркінің ұжымы