🔰 Шарын мемлекеттік ұлттық табиғи паркінің Сартоғай аумағында табиғатты қорғауға бағытталған бірлескен рейдтік іс-шаралар өткізілді. Іс-шараға парк қызметкерлері, инспекторлар және ғылыми бөлім мамандары қатысты.
Рейд барысында аумақта мекендейтін сүтқоректілердің тыныс-тіршілігі мен қозғалысы бақылауға алынды. Қар жамылғысына түскен іздер арқылы жануарлардың түрлері мен жүріп өткен бағыттары тіркелді. Бұл әдіс — жабайы табиғат өкілдерінің белсенділігін анықтаудың маңызды тәсілдерінің бірі.
Сонымен қатар, аумақтың табиғи ерекшеліктері мен экожүйесі назарға алынып, жалпы шолу жұмыстары жүргізілді. Қорғау аймағындағы экологиялық жағдай, заңсыз әрекеттердің алдын алу және табиғатты сақтау бойынша бақылау шаралары күшейтілді.
Шарын ұлттық паркінің рейдтік шаралары — табиғат байлығын сақтауға бағытталған жүйелі жұмыстардың бір бөлігі. Мұндай тексерулер парк аумағындағы биологиялық әртүрлілікті бақылауға, экологиялық тепе-теңдікті сақтауға және болашақ ұрпаққа табиғи мұраны жеткізуге мүмкіндік береді.
🔎 Осындай шаралар алдағы уақытта да тұрақты түрде жалғасатын болады.