📸 Шарын мемлекеттік ұлттық табиғи паркінің Сартоғай аумағында орнатылған фототұзақ құрылғысы арқылы жабайы жануарлар дүниесіне қатысты ерекше кадр түсірілді. Кадрда – қазақ даласына тән кәдімгі түлкі.
🦊 Кәдімгі түлкі немесе Vulpes vulpes — жыртқыштар отрядының иттер тұқымдасына жататын аң. Жүні қалың әрі жұмсақ, реңі маусымға байланысты өзгереді. Құйрығы ұзын, қара қоңыр құлақты, сарғыш жирен түсімен ерекшеленеді. Орман шеттері мен өзен-көл маңдарын, аңыздар мен тау баурайларын мекендейді. Түнде белсенді, ал күндіз інінде жатады.
Оның қорегіне 300-ден астам жәндік пен ондаған өсімдік түрлері кіреді. Негізінен тышқандармен және ұсақ жануарлармен қоректенеді. Бұл жануарлар экожүйенің маңызды бөлігі болып табылады.
📽️ Бұл бейнематериал Шарын ұлттық паркінің биоәртүрлілігін сақтау және бақылау мақсатында орнатылған құрылғылардың маңызын көрсетеді. Мұндай деректер табиғатты зерттеуге және қорғауға маңызды үлес қосады.