🌱 Таза Қазақстан – жарқын болашақ.
Табиғатымыздың тазалығын сақтап, қоршаған ортамыздың экологиясын жақсартуға, халықтың экологиялық мәдениетін көтеруге бағытталған “Таза Қазақстан” жалпыұлттық акциясының еліміз үшін маңыздылығы зор. Мемлекет басшысы Қасым-Жомарт Тоқаевтың бастамасымен 2024 жылдың 8 сәуірінен бастау алған бұл бастама бүгінде қарқынды жүзеге асырылып келеді.
🌱 Шарын мемлекеттік ұлттық табиғи паркі үшін бұл акция ерекше маңызға ие. Қоршаған ортаны қорғау, табиғи байлықтар мен ескерткіштерді сақтау және жаңғырту – парк ұжымының басты мақсаты. Осы бағытта мектеп оқушылары, жергілікті халық, еріктілер және парк қызметкерлері бірлесіп, “Таза өлке”, “Жасыл аймақ”, “Мөлдір бұлақ”, “Айналаңды қоқысқа айналдырма!” сынды тақырыптар аясында түрлі акциялар өткізді.
🌿 Мектептерде “Мектеп орманшылығы”, “Жасыл клуб” ұйымдары құрылып жатыр. Жас жеткіншектер табиғатқа жанашырлықты іс жүзінде үйреніп, көшет отырғызу мен тұқым егу жұмыстарына қатысуда. “Өсіп шықсын еккенім, көріктенсін мекенім!” атты ұранмен басталған бұл бастама жас ұрпаққа экологиялық тәрбие беруде маңызды рөл атқарады.
📌 Бұл — Шарын мемлекеттік ұлттық табиғи паркінің “Таза Қазақстан” тұжырымдамасы аясында жүзеге асырып жатқан жобаларының шағын ғана бөлігі. Алдағы уақытта да табиғатты аялауға бағытталған іс-шаралар жүйелі түрде жалғасатын болады.