📸 Фототұзақ Шарын ұлттық паркінің жабайы табиғат әлемінен тағы бір ерекше сәтті тіркеді!
🔹Шарын мемлекеттік ұлттық табиғи паркінің Сартоғай аумағында орнатылған фототұзақ жабайы доңыздарды торайларымен бірге бейнеге түсірді.
🔹Кадрлардан ересек жануарлардың торайларымен бірге табиғи мекенінде емін-еркін тіршілік етіп жүргенін көруге болады. Мұндай бақылаулар жабайы доңыздардың көбею кезеңінің сәтті өткенін және ұлттық парк аумағындағы табиғи ортаның қолайлы әрі тұрақты екенін көрсетеді.
🔹Жабайы доңыздар экожүйеде маңызды рөл атқарады. Олар тұмсығымен топырақты қопсытып, оның табиғи жаңаруына ықпал етеді, өсімдіктердің тұқымдарының таралуына көмектеседі және табиғи тепе-теңдіктің сақталуына өз үлесін қосады.
📍 Шарын мемлекеттік ұлттық табиғи паркі фототұзақтар арқылы жабайы жануарлардың тіршілігін тұрақты түрде бақылап, табиғи экожүйені сақтауға және биоалуантүрлілікті қорғауға бағытталған жұмыстарды жүйелі түрде жалғастыруда.