Парк құрылған жылдан осы уақытқа дейін аудан тұрғындары мен жастар арасында, табиғатты қорғауға арналған түрлі бағыттағы іс-шараларды ұйымдастырып келеді. Солардың бірі – игі дәстүрге айналған «Парктер шеруі» Халықаралық табиғатты қорғау акциясы.
Шарын мемлекеттік ұлттық табиғи паркінде “Парктер шеруі-2024” Халықаралық табиғатты қорғау акциясын ашық деп жариялаймыз! Ағымдағы жылдың 15 наурызында «Алматы облысы білім басқармасының Ұйғыр ауданы бойынша білім бөлімі» мемлекеттік мекемесі «Ж.Құдайбергенов атындағы орта мектебі мектеп жанындағы интернатымен» коммуналдық мемлекеттік мекемесінде ашылу салтанаты өтті. Салтанатты шараға мектеп әкімшілігі, оқушылар, ұлттық парк қызметкерлепі қатысты. Шара мектеп ауласына көгалдандыру жұмыстарын жүргізумен жалғасын тапты.
